Tilkynning borist um þrjú snjóflóð

Nóttin var tiltölulega róleg á Vestfjörðum hvað varðar snjóflóðahættu að sögn Ólívers Hilm­ars­sonar, of­an­flóðasér­fræðing­s á snjóflóða- og skriðuvakt Veður­stofu Íslands. Óvissustig var lýst yfir frá miðnætti vegna snjóflóðahættu á svæðinu.

Frétt af mbl.is

Veðurstofan lýsir yfir óvissustigi

Í samtali við mbl.is segir hann að fáar tilkynningar hafi borist um snjóflóð þar sem fáir eru á ferli á svæðinu.

Tilkynning barst þó um að snjóflóð hafi fallið um Eyrarhlíð í gær, á milli Ísafjarðar og Hnífsdals, og var veginum lokað í kjölfarið. Flóðið var um 50 metra breitt á veginum. 

Vegagerðin sinnir ekki snjómokstri á Vestfjörðum vegna slæmrar veðurspár en staðan verður endurmetin klukkan 9. 

Frétt af mbl.is

Snjómokstri ekki sinnt á Vestfjörðum á aðfangadag

Tvö flóð á Siglufjarðarvegi

Þá barst tilkynning um tvö snjóflóð á Siglufjarðarvegi og er vegurinn lokaður. Ólíver segir að mikið hafi snjóað á Tröllaskaga. 

Ólíver segir að óvissustigið verði í gildi fram eftir degi. „Það er ekki að mælast mikil úrkoma, en það er ekki alltaf að marka mælanna,“ segir hann og bætir við að ekki sé eins hvasst og búist var við. 

• Blogga um frétt