Heimilisfólk á staðnum er skotum var hleypt af
Heimilisfólk var á staðnum en enginn slasaðist.
mbl.is/Eggert Jóhannesson
Setja bókamerki
Lögregla hefur nú til rannsóknar mál frá því í gærkvöldi þar sem tveir menn komu inn í íbúð í Hafnarfirði og hleyptu af skotum.
Þetta kemur fram í tilkynningu frá lögreglu. Fram kemur að heimilisfólk hafi verið á staðnum en að enginn hafi særst.
Eins og mbl.is greindi fyrst frá var fimm skotum hleypt af í íbúð í Álfholti í Hafnarfirði, samkvæmt heimildum mbl.is.
Lögregla vopnaðist og var með mikinn viðbúnað. Þá staðfestir samskiptastjóri ríkislögreglustjóra við mbl.is að sérsveitin hafi verið kölluð til.
Rannsókn málsins er í fullum gangi en lögregla kveðst ekki ætla að veita frekari upplýsingar að svo stöddu.
Lögreglan hefur ekki viljað staðfesta við mbl.is hvort mennirnir séu í haldi lögreglu.
Ekki hægt að slá gosið út af borðinu strax
Heimildarmenn tala um hápólitískt drama
Íslensk kona handtekin á Tenerife eftir líkamsárás
„Við vöknuðum við hljóð frá sprengingum“
Formaðurinn útilokar ekki undirritun í kvöld
Auka aðgengi að Grindavík
Rannsókn á menningarnæturmáli lokið
Vilja 20 ára dóm í frönsku nauðgunarmáli