Einn í haldi vegna skotárásarinnar
Setja bókamerki
Lögreglan á höfuðborgarsvæðinu biðlar til íbúa og forráðamanna fyrirtækja á Hvaleyrarholti að athuga með myndefni í öryggis- og eftirlitsmyndavélum á svæðinu vegna skotárásar í Hafnarfirði á aðfangadag.
Tveir menn fóru inn í íbúð í Álfholti um kvöldið og hleyptu af nokkrum skotum. Heimilisfólk var á staðnum en enginn særðist.
Er fólk beðið um að koma myndefninu til lögreglu ef ástæða þykir. Þetta kemur fram í tilkynningu lögreglunnar.
Tímaramminn sem um ræðir er milli klukkan 21.30 til 22.30 aðfangadagskvöld.
Í þágu rannsóknarinnar er verið að leita upplýsinga um grunsamlegar mannaferðir, að því er fram kemur í tilkynningunni.
Upplýsingum um málið má sömuleiðis koma á framfæri í tölvupósti á netfangið r2a@lrh.is.
Einn er í haldi vegna málsins og er rannsókn lögreglu í fullum gangi.
Sendi nektarmyndir af dreng sem hann passaði
Vinna hefst í dag við að reisa undirstöður
Íslensk kona handtekin á Tenerife eftir líkamsárás
Fæðuöryggi: „Áttum mat í þrjár vikur“
Rannsókn á menningarnæturmáli lokið
Vonir bundnar við morgundaginn
Ekki hægt að slá gosið út af borðinu strax
Falskur fyrirvari á auglýsingum Höllu