Bláa lónið verður lokað til og með 29. desember og verður staða þess endurmetin í kjölfar nýs áhættumats. 

Fram kemur í tilkynningu sem Bláa lónið sendi frá sér í kvöld að í vegna eldgossins við Sundhnúkagíga hafi öllum starfsstöðvum lónsins verið lokað tímabundið. 

Þar segir að forsvarsmenn Bláa lónsins bíði nú eftir nýju áhættumati og hafi því verið ákveðið að framlengja lokun þess til og með 29. desember og verði staðan þá metin að nýju. 

Í tilkynningunni kemur fram að haft verði samband við alla gesti sem eigi bókanir á næstu dögum. Þá verði haldið áfram að fylgjast grannt með stöðu mála í nánu samráði við yfirvöld. 

Bláa lóninu var lokað tímabundið 9. nóvember síðastliðinn vegna jarðhræringanna á Reykjanesskaga, en það opnaði aftur að hluta sunnudaginn 17. desember.

Að kvöldi næsta dags, mánudagsins 18. desember, hófst eldgos við Sundhnúkagíga og var lóninu því lokað samstundis. 

Frétt af mbl.is

Bláa lónið opnar að nýju

Tengdar fréttir

Eldvirkni á Reykjanesskaga

Horfa nú til næstu tveggja vikna

• Nýjar þrívíddarmyndir sýna rúmmál hraunsins
• Hefði átt að setja neyðarstjórn yfir Grindavík
• „Horfum björt fram á veg“
• Hættustigi lýst yfir

» Fleiri tengdar fréttir

• Blogga um frétt