Sigurður Ingi Jóhannsson innviðaráðherra hefur gefið út uppfærðar viðmiðunarfjárhæðir tekjumarka vegna hlutdeildarlána fyrir árið 2024.

Tekjumörkin eru vegna hlutdeildarlána sem Húsnæðis- og mannvirkjastofnun veitir þeim sem eru að kaupa sína fyrstu íbúð og þeim sem ekki hafa átt íbúðarhúsnæði síðastliðin fimm ár og eru undir tilteknum tekjumörkum, að því er segir í tilkynningu.

Frá og með 1. janúar 2024 eru uppreiknuð tekjumörk þeirra sem sótt geta um hlutdeildarlán eftirfarandi:

Fyrir allt að 20% hlutdeildarlán:

• Hámarkstekjur einstaklings eru kr. 9.465.000,- fyrir sl. 12 mánuði.
• Hámarkstekjur hjóna/sambýlisfólks eru kr. 13.221.000,- fyrir sl. 12 mánuði.
• Viðbót vegna hvers barns/ungmennis sem er undir 20 ára aldri er kr. 1.953.000,-.

Fyrir allt að 30% hlutdeildarlán:

• Hámarkstekjur einstaklings eru kr. 6.283.000,- fyrir sl. 12 mánuði.
• Hámarkstekjur hjóna/sambýlisfólks eru kr. 8.789.000,- fyrir sl. 12 mánuði.
• Viðbót vegna hvers barns/ungmennis sem er undir 20 ára aldri er kr. 1.953.000

Tengdar fréttir

Húsnæðismarkaðurinn

Blanda íbúða, þjónustu og verslana

• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts
• „Það er verið að byggja rangar íbúðir“

» Fleiri tengdar fréttir

• Blogga um frétt