Undirbúningsvinna við þá framkvæmd að reisa varnargarða við Grindavík hófst strax í gærkvöldi er Guðrún Hafsteinsdóttir dómsmálaráðherra sendi varnargarðana í hið lögformlega umsóknarferli. 

Undirbúningur heldur áfram í dag og á morgun en samhljómur var um að reisa varnargarða sem fyrst við Grindavík er dómsmálaráðherra lagði erindið fram á ríkisstjórnarfundi fyrir hádegi í dag. 

Áformin verða kynnt formönnum stjórnarandstöðunnar eftir hádegi í dag og ef allt gengur eftir verður hægt að hefja vinnuna 2. janúar.

Frétt af mbl.is

Lagði til að ráðist verði strax í varnargarða við Grindavík

Hættan talin mest nyrst í Grindavík

Fyrst verður ráðist í tvo hluta og verða þeir sunnan við Hagafell. Segir Guðrún staðsetningu hans vera til þess að verja nyrstu byggð Grindavíkur en þar er hættan talin mest ef eldgos hæfist á syðri hluta kvikugangsins sem liggur í suðvesturátt ofan úr Sundhnúkagígaröðinni. 

Kostnaður við þennan hluta varnargarðanna er hálfur milljarður króna. 

„Þarna erum við að gera ráð fyrir að fara í hálfa hæð,“ segir Guðrún í samtali við mbl.is. 

Varnargarðarnir við Svartsengi kostuðu aðeins minna en ráð var gert fyrir að sögn Guðrúnar. Áætlaður kostnaður við fullgerða varnargarða er sex milljarðar króna.

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir

• Blogga um frétt