Geti farið af stað „hvenær sem er“
Setja bókamerki
Landrisið við Svartsengi er komið um það bil í sömu hæð og það var fyrir eldgosið þann 18. desember og við kvikuhlaupið sem olli náttúruhamförum í Grindavík 10. nóvember.
Þetta segir Benedikt Gunnar Ófeigsson, jarðeðlisfræðingur og fagstjóri aflögunarmælinga hjá Veðurstofu Íslands, í samtali við mbl.is.
Hann segir að landrisið muni eflaust mælast í þessari hæð næstu daga þar sem það hækki ekki svo mikið frá degi til dags. Líklegt er að landrisið verði formlega orðið meira en fyrir síðustu fyrrnefnda tvo atburði á næstu dögum.
„Ekki þar með sagt að það sé að fara af stað“
„Miðað við það að þetta er í sömu stöðu og fyrir síðasta gos, fyrir hlaupið, þá erum við bara að gera ráð fyrir að þetta geti farið af stað hvenær sem er. Það er ekki þar með sagt að það sé að fara af stað. Það er bara okkar varúðarráðstöfun,“ segir Benedikt.
Hann segir að núna taki við ákveðin bið þar sem ekki er vitað hvað eða hvort eitthvað gerist. Í ljósi fyrri atburða þá séu auknar líkur á gosi en Benedikt útilokar ekki að þessi nákvæma hæð landriss sé þýðingarlaus.
„Eru þetta einhver mörk eða heldur þetta bara áfram? Þá kannski þurfum við að bíða í einhverjar vikur,“ segir Benedikt.
Stýrivextir lækkaðir um 0,25 prósentustig
Glappaskots Írans verði hefnt
„Þetta er bara alveg hræðilegt“
Íran hefur loftárás og skotárás í Tel Avív
Raunhæft að komast undir 5%
Vill aðgerðir í stað orða: Krísa í leikskólum
Listaverk Nínu á nýjan stað
Árás Írans virðist yfirstaðin