Netsvikarar nota nú nafn og merki Hjálparsveitar skáta í Kópavogi til að reyna komast yfir kortaupplýsingar fólks í gegnum Facebook.

Frá þessu greinir Hjálparsveit skáta í Kópavogi.

Um þessar mundir stendur yfir gjafaleikur hjá skátunum og hafa netsvikararnir stokkið á það tækifæri með því að tilkynna fólki að það hafi sigrað í leiknum. Til þess að innheimta vinninginn þurfi fólk einfaldlega að gefa þeim persónuupplýsingarnar sínar og kortaupplýsingar.

Hjálparsveit skáta í Kópavogi áréttar þó að væntanlegur vinningshafi í gjafaleik þeirra verði beðinn um að mæta á sölustað þeirra og vitja vinningsins, en ekki er enn búið að draga í gjafaleiknum.

Tengdar fréttir

Netsvik

Fórnarlömb netsvika fá ekki endurgreiðslu

• Erlend netárás gerð á Bland.is
• Falskir rafmyntasalar herja á landann
• Best að skella á og hringja strax í bankann
• Fattaði fljótlega að um svindl væri að ræða

» Fleiri tengdar fréttir

• Blogga um frétt