Lögreglan rannsakar umskurð á Akureyri

Lögreglan á Norðurlandi eystra rannsakar nú hvort 17 mánaða drengur hafi verið umskorinn í heimahúsi á Akureyri í september árið 2022.

Þetta staðfestir Skarphéðinn Aðalsteinsson, aðstoðaryfirlögregluþjónn á Akureyri, í samtali við mbl.is en Rúv greindi fyrst frá.

Ríkismiðillinn segir sínar heimildir herma að umskurðurinn hafi verið framkvæmdur af trúarlegum ástæðum og að foreldar drengsins séu frá Afríkuríki. Miðillinn segir að kona frá Gana, sem hafi ferðast frá Ítalíu, hafi umskorið drenginn. Foreldrarnir hafi ekki vitað að slíkar aðgerðir gætu farið í bága við lög hér á landi, að eigin sögn.

Frétt af mbl.is

Umskurður drengja ekki bannaður

Sumir hafa kallað eftir því að umskurður drengja verði bannaður með lögum líkt og umskurður stúlkna.

Ekki beint ólöglegt að umskera drengi

Tilkynning um umskurðinn barst frá heilbrigðisstofnun á svæðinu en Rúv segir að barnið hafi verið flutt á Sjúkrahúsið á Akureyri stuttu eftir umskurðinn. Blætt hafi úr skurðsárinu og framkvæma þurfti aðgerðina upp á nýtt til að koma í veg fyrir sýkingu.

Ekk­ert ákvæði í ís­lensk­um lög­um fjallar bein­lín­is um umsk­urð á kyn­fær­um drengja. Þó er refsivert að að valda tjóni á líkama eða heilsu stúlkubarns eða konu með því að fjarlægja kynfæri hennar að hluta eða öllu með „líkamsárás“, að því er fram kemur í hegningarlögum.

Frétt af mbl.is

Á ekki heima í refsilöggjöfinni

Frétt af mbl.is

Vill eyða lagalegri óvissu

• 1 blogg um fréttina

Bloggað um fréttina

• Jóhannes Ragnarsson: Grunur leikur á að meðhjálparinn og sóknarnefndarformaðurinn hafi verið umskornir