Skjálftarnir líklega vegna spennubreytinga
Setja bókamerki
Jarðskjálftahrinan við Trölladyngju orsakast líklega af miklum spennubreytingum á Reykjanesskaga, að sögn Benedikts Gunnars Ófeigssonar, jarðeðlisfræðings og fagstjóra aflögunarmælinga hjá Veðurstofu Íslands.
Upptök skjálftanna eru í jaðri landrissins sem mældist í haust í Fagradalsfjallskerfinu og telur Benedikt líklegra að skjálftarnir tengist flekaskilunum sem þeir eru við frekar en eldvirkni.
Gætu liðið nokkrir dagar
Enginn gosórói hefur mælst á Reykjanesskaga og hafa litlar breytingar verið á landrisinu við Svartsengi, en eins og kom fram í gær hefur hægst á hraða þess.
Svipar því til þróunarinnar sem var í aðdraganda eldgossins sem hófst við Sundhnúkagígaröðina 18. desember.
Að sögn Benedikts leið vika frá því að jarðvísindamenn sáu skýr merki um að hægt hefði á landrisinu við Svartsengi og þar til eldgos hófst síðast. Gætu því liðið nokkrir dagar til viðbótar þar til það fer að draga til tíðinda á Reykjanesskaganum, ef það gerist þá yfirhöfuð.
Ása Ellerup flutt út og ætlar að selja húsið
50 milljónir eiga að minnka svindl um 1 milljarð
Ekki vandamál að vera karlmaður
Reiðubúin að aflýsa verkföllum í fjórum leikskólum
„Höfum sloppið bærilega með skaða af þessu gosi“
Vegirnir voru eins og borðstofuborð
Viðræður ekkert þokast frá því á þriðjudag