Borgarbúar hvattir til að hálkuverja nærumhverfi

Ekki hefur verið unnt að hálkuverja eins oft og þörf er á sums staðar í Reykjavíkurborg. Erfitt hefur þótt að eiga við breytilegar veðurfarsaðstæður, að því er segir tilkynningu borgarinnar.

Frost og þíða hafi verið á víxl, sem geri allar hálkuvarnir erfiðar. Starfsfólk vetrarþjónustu borgarinnar hafi saltað götur og göngu- og hjólaleiðir eins ört og unnt er.

Frétt af mbl.is

Margir göngustígar fá enga vetrarþjónustu

Sækja saltið sjálf

Í tilkynningu Reykjavíkurborgar eru íbúar hvattir til þess að taka með sér fötu og sækja sér sjálfir salt til hálkuvarna í nærumhverfi sínu.

Annars vegar sé hægt að nálgast salt í hrúgum á níu stöðum í borginni. Hins vegar sé hægt að sækja salt og sand á hverfastöðum við Fiskislóð, Stórhöfða og Jafnasel.

Fólk er einnig hvatt til þess að nota mannbrodda í hálkunni.

Níu hrúgur af salti sem íbúar Reykjavíkur eru hvattir til að nýta sér. Kort/Reykjavíkurborg

• Blogga um frétt