Gætu verið ótengdir Svartsengi: Gosreinar að vakna
Setja bókamerki
Þorvaldur Þórðarson, prófessor í eldfjallafræði við Háskóla Íslands, kveðst ekki sannfærður um að skjálftahrinan við Trölladyngju í gær hafi verið afleiðing af landrisi við Svartsengi.
Þetta segir hann í samtali við Morgunblaðið í dag.
Hann segir það vel mega vera, að hrinan hafi verið hluti af þeirri spennulosun sem er í gangi á svæðinu og hreyfingum á flekaskilunum.
Eldvirknin verði komin nær höfuðborgarsvæðinu
Hrinan sé þó einnig til marks um að Reykjanesskaginn sé kominn af stað.
„Skjálftarnir eru að segja okkur að aðrar gosreinar á svæðinu eru að vakna. Að því leytinu til eru þeir að segja okkur það að eldvirknin getur færst til,“ segir Þorvaldur.
„Ef við fáum eldvirkni á Trölladyngjureininni og síðan yfir í Krýsuvíkurreinina þá getur sú eldvirkni verið mun norðar en hefur verið hingað til.“
Bætir hann við að þá verði eldvirknin um leið komin mun nær stórhöfuðborgarsvæðinu.
Hins vegar segir hann ekki gott að segja til um hvenær það geti orðið, það gæti verið á þessu ári eða á næstu hundrað árum.
Viðræður ekkert þokast frá því á þriðjudag
Sjötti ferðamaðurinn er látinn
Rússar sagðir útvega N-Kóreu milljón olíutunnur
Vegirnir voru eins og borðstofuborð
Reiðubúin að aflýsa verkföllum í fjórum leikskólum
Dómur þyngdur um þrjú ár
Þarf að koma til móts við ólíkar þarfir lækna