Fjölmennt lið viðbragðsaðila er að störfum í Grindavík þar sem verktaka, sem var að vinna við að fylla upp í stóru sprunguna sem liggur í gegnum bæinn, er leitað.

Vinnufélagi mannsins tilkynnti lögreglu um hvarf hans á ellefta tímanum í morgun og er óttast að hann hafi fallið ofan í sprunguna.

Frá aðgerðum í Grindavík. mbl.is/Klara

Tugir koma að leitinni

Viðbragðsaðilar hafast við á svæði við gatnamót Vesturhóps og Hópsbrautar þar sem sprungan liggur í gegn.

Blaðamaður mbl.is á vettvangi segir fjölda björgunarsveita-, lögreglu- og sjúkrabíla á vettvangi, auk kranabíls sem virðist vera notaður við aðgerðina. Einnig er notast við dróna úr lofti.

Tugir viðbragðsaðila koma að leitinni.

Frétt af mbl.is

Telja mann hafa fallið ofan í sprungu í Grindavík

Björgunarsveitarmenn arka um svæðið. mbl.is/Eggert Jóhannesson

Tengdar fréttir

Maður féll í sprungu í Grindavík

Nafn mannsins sem saknað er eftir vinnuslysið

• Hætta að leita: „Allt gert sem hægt var að gera“
• Leit að manninum hætt
• Vinnueftirlitið rannsakar slysið í Grindavík
• Láta þrívíddarskanna síga niður sprunguna

» Fleiri tengdar fréttir

• Blogga um frétt