Í launalaust leyfi frá RÚV – Tjáir sig ekki frekar

Sigríður Dögg Auðunsdóttir, formaður Blaðamannafélags Íslands, verður í launalausu leyfi frá störfum sínum á RÚV í kjölfar þess að framkvæmdastjóra félagsins, Hjálmari Jónssyni, var sagt upp störfum.

„Ég óskaði eftir því í gær að fara í launalaust leyfi af því að stjórnin sá fram á að það yrðu verkefni hérna sem þyrfti að sinna á skrifstofunni þegar Hjálmar væri hættur,” segir Sigríður Dögg.

Frétt af mbl.is

Sagt upp eftir ágreining við formanninn

Hún bætir við ekki sé ákveðið hversu lengi hún verður í leyfi og að samkomulag við fréttastjóra RÚV ráði því hvenær hún snýr aftur.

Formannskjör fer fram á aðalfundi BÍ fyrir lok fyrsta ársfjórðungs, eða fyrir lok apríl, og kveðst Sigríður Dögg ætla að sækjast eftir endurkjöri.

Frétt af mbl.is

Stjórnin ber fyrir sig trúnaðarbrest

Vill ekki tjá sig

Spurð nánar út í brottrekstur Hjálmars og hvort hún vilji svara fyrir ummælin sem hann lét falla um formanninn, segist hún ekki vilja tjá sig frekar um málið og bendir þess í stað á tilkynningu sem var send út fyrr í dag.  

„Ég vísa í ákvörðun stjórnar sem var tekin einróma um trúnaðarbrest á milli framkvæmdastjóra og stjórnar sem ástæðu uppsagnar,” segir Sigríður Dögg.

• 2 blogg um fréttina

Bloggað um fréttina

• Páll Vilhjálmsson: Stefán laus við Sigríði Dögg, sem rak Hjálmar
• Ómar Geirsson: "Tjáir sig ekki frekar".