„Við komum til með að leita þar til við finnum hann,“ segir Úlfar Lúðvíksson, lögreglustjóri á Suðurnesjum, í samtali við mbl.is í Grindavík.

Viðbragðsaðilar hafa verið að störfum við sprunguna frá því fyrir hádegi í dag eftir að tilkynnt var um að maður hefði fallið ofan í sprungu. Var hann að þjappa jarðveg í sprungu þegar slysið varð. 

„Nú leitum við mannsins. Við höfum ekki fundið hann,“ segir Úlfar spurður hvort viðbragðsaðilar viti um það bil hvar maðurinn sé í sprungunni.

mbl.is/Kristinn Magnússon

Sprungan er djúp

Úlfar kveðst ekki vera með nákvæmlega dýpt á sprungunni né hversu löng hún er. 

„En sprungan er djúp,“ segir Úlfar. 

Hann segir vinnu þessa stundina miða að því að tryggja vinnuaðstæður fyrir björgunaraðila. 

Myrkur er skollið á en vettvangurinn er lýstur upp með sterkum ljósum. 

Verkfæri mannsins fannst fyrr í dag og segir Úlfar að um jarðvegsvinnutæki sé að ræða.

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir

Maður féll í sprungu í Grindavík

Nafn mannsins sem saknað er eftir vinnuslysið

• Hætta að leita: „Allt gert sem hægt var að gera“
• Leit að manninum hætt
• Vinnueftirlitið rannsakar slysið í Grindavík
• Láta þrívíddarskanna síga niður sprunguna

» Fleiri tengdar fréttir

• Blogga um frétt