Sagt upp eftir ágreining við formanninn
Setja bókamerki
Hjálmari Jónssyni hefur verið sagt upp störfum sem framkvæmdastjóra Blaðamannafélags Íslands, BÍ, eftir ágreining á milli hans og formanns félagsins um stefnu félagsins.
„Allt gott tekur enda,” segir Hjálmar í samtali við mbl.is.
Ekki var óskað eftir frekara vinnuframlagi hans á uppsagnarfrestinum og hverfur Hjálmar því frá störfum í dag.
Formaðurinn ekki starfi sínu vaxinn
Spurður segir Hjálmar að stjórn félagsins hafi ákveðið að segja honum upp eftir fyrrgreindan ágreining.
„Ég tel formanninn ekki starfi sínu vaxinn og ég tel heldur ekki að fólk sem hefur ekki hreinan skjöld í fjármálum og gefur ekki skýringar í þeim efnum eigi að vera í forsvari fyrir félag eins og Blaðamannafélag Íslands sem stendur fyrir gildi opinnar og lýðræðislegrar umræðu,” segir hann enn fremur.
Framkvæmdastjóri frá 2003
Hjálmar hefur starfað sem framvæmdastjóri BÍ frá árinu 2003 en hefur starfað fyrir félagið allt frá árinu 1989.
Hann var formaður til ársins 2021 þegar hann ákvað að stíga til hliðar. Í stað hans var kjörin Sigríður Dögg Auðunsdóttir, sem er núverandi formaður.
„Tímabil aukinnar eldvirkni“
Segir að verið sé að svindla á Bandaríkjunum
Ók á hóp fólks á jólamarkaði: Einn látinn
Þetta eru ráðherrar ríkisstjórnarinnar
Bjarni afhenti Kristrúnu lyklana
„Mér finnst gamla Samfylkingin komin aftur“
„Aðstæður í stjórnmálum geta breyst á einni nóttu“
/frimg/1/53/78/1537870.jpg)
Í kaffi með Vigdísi
