Um það bil 60 manns, flestir björgunarsveitarmenn, leit­a nú mannsins sem féll ofan í sprungu í Grinda­vík í gær. Leitað verður fram eftir nóttu ef þess þarf.

Úlfar Lúðvíks­son, lög­reglu­stjóri á Suður­nesj­um, sagði við mbl.is fyrr í dag að reynt væri að tryggja eins ör­ugg­ar aðstæður og mögu­legt sé við leit­ina.

Frétt af mbl.is

„Veit í raun enginn hvað gerist inni á þessu svæði“

Björgunarsveitarmenn að störfum. Leitin hefur staðið yfir í 34 klukkustundir. mbl.is/Eggert Jóhannesson

Á þriðja hundrað björgunarsveitarmanna komið að leitinn

Í samtali við mbl.is segir Jón Þór Víglundsson, upplýsingafulltrúi Landsbjargar, að staðan á svæðinu sé óbreytt. Enn sé verið að leita að manninum.

Til­kynn­ing um málið barst um klukk­an 10.40 í gær. Hefur mannsins því verið saknað í rúmar 34 klukkustundir.

Í kringum 60 manns eru nú á kvöldvakt á svæðinu. Að sögn Jóns Þórs hafa alls 240 björgunarsveitarmenn komið að leitinni, koma þeir af Faxaflóasvæðinu og Suðurlandsundirlendinu.

mbl.is/Eggert Jóhannesson

Tengdar fréttir

Maður féll í sprungu í Grindavík

Með réttarstöðu sakbornings við rannsókn banaslyss

• Mun óska svara frá ráðuneytum eftir banaslys
• Upplifðu óreiðukennt skipulag
• Segir fullnægjandi áhættumat hafa skort
• Segir rannsókn lögreglu aldrei hafa lokið

» Fleiri tengdar fréttir

• Blogga um frétt