„Mér sýnist að gat í varnargarði, sem er í vinnslu fyrir ofan Grindavíkurbæ – að það sé farið að renna hraun þar í gegnum skarðið.“
Þetta segir Úlfar Lúðvíksson, lögreglustjóri á Suðurnesjum, við blaðamann mbl.is í aðgerðastjórn lögreglunnar í Reykjanesbæ.
Spurður hvort hætta sé á því að hraun renni í átt að Grindavík segir Úlfar:
„Mér sýnist það stefna í þá áttina, en við erum ekki alveg með nákvæma staðsetningu á upptökum gossins á þessari stundu.“
Engir verktakar eru inni í Grindavík, en verið er að fara í það að loka varnargarði í kringum orkuverið.