Ný gossprunga hefur opnast við Grindavík. Jaðar sprungunnar er um 50-100 metrum frá bænum.

Samkvæmt upplýsingum Veðurstofunnar er sprungan í sprungulínunni. Lengd hennar er um 150 metrar og gæti hún lengst enn frekar.

Á vefmyndavélum mbl.is má sjá nálægð nýju sprungunnar við bæinn.

Í tilkynningu á vef Veðurstofunnar segir að aflögunarmælingar bendi eindregið til þess að sprungur í Grindavík hafi gliðnað af völdum umbrotanna í morgun. Því má reikna með að fleiri sprungur hafi opnast og ef til vill nýjar myndast.

Benedikt Gunnar Ófeigsson, fagstjóri aflögunarmælinga hjá Veðurstofu Íslands, segir ekki útilokað að gossprungur opnist innan bæjarmarkanna en það þyki þó ólíklegt.

Frétt af mbl.is

Bein útsending frá gosstöðvunum

Fréttin verður uppfærð.

Skjáskot/Vefmyndavél mbl.is

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir

• Blogga um frétt