Dýraverndarsamband Íslands hefur fengið staðfest að um 30 kindur séu innilokaðar í fjárhúsi í Grindavík nærri götunni Bakkalág.

Kemur þetta fram í tilkynningu sem stjórnin sendi frá sér rétt í þessu.

Nauðsynlegt að hleypa dýrunum út

Þá er sauðfé einnig lokað inni í fjárhúsi við Sjávarbraut og í fjárhúsum í Þórkötlustaðahverfi. Ekki er hægt að sækja dýrin við þær aðstæður sem nú eru í Grindavík.

Engu að síður er nauðsynlegt að dýrunum sé hleypt út strax svo þau geti forðað sér úr þeim hættulegu aðstæðum sem nú eru á svæðinu.

Dýraverndunarsambandið beinir því til almannavarna, sem annarra ábyrgra aðila í þeim aðgerðum sem nú eru í Grindavík, að reyna, ef þess gerist nokkur kostur, að koma þessum skepnum til bjargar.

Tengdar fréttir

Eldvirkni á Reykjanesskaga

Eldgos nú talið ólíklegt í nóvember

• Telja sig geta rekið Grindavík til 2026
• „Ekkert okkar getur sett sig í spor ykkar“
• Trúir að Grindavík geti byggst upp
• Myndir: Sex eldgos á einu ári

» Fleiri tengdar fréttir

• Blogga um frétt