Varðskipið Þór er nú við Grindavík. Áhöfn skipsins hefur aðstoðað almannavarnir við að fá skýrari mynd af eldgosinu með drónamyndum.

Skipið var í morgun við Keflavík en um fimmleytið í morgun var tekin ákvörðun um að sigla því til Grindavíkur. Um áttaleytið var skipið komið til Grindavíkur.

Þetta segir Ásgeir Erlendsson, upp­lýs­inga­full­trúi Land­helg­is­gæsl­unn­ar, í samtali við mbl.is.

Frá varðskipinu. Ljósmynd/Landhelgisgæslan

Þyrlusveit í viðbragðsstöðu

„Við erum búin að vera með þyrlusveitina í viðbragðsstöðu, sem og varðskipið Þór, sem var í morgun við Keflavík og við sendum það inn til Grindavíkur til að vera til taks,“ segir Ásgeir.

„Þar er sömuleiðis dróni um borð sem er notaður, ásamt öðrum drónum, til að aðstoða samhæfingarstöð almannavarna til að gefa skýra mynd af stöðu mála. Áhöfnin er í því hlutverki, auk þess að vera til taks ef á þarf að halda.“

Frétt af mbl.is

Bein útsending frá gosstöðvunum

Tengdar fréttir

Eldvirkni á Reykjanesskaga

Segir hættustigið forvörn fyrir helgina

• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri
• „Nokkur dæmi um hús í óásættanlegu ástandi“
• „Breytir ekki okkar viðbúnaði“

» Fleiri tengdar fréttir

• Blogga um frétt