Mikil gliðnun hefur mælst innan bæjarmarka Grindavíkur. Hefur gliðnunin mælst allt að 1,4 metrar síðasta sólarhringinn, en dreifist það yfir margar sprungur. Nýjar sprungur hafa myndast og eldri opnast meira. 

Í tilkynningu frá Veðurstofu Íslands segir að nýjar sprungur geti komið í ljós á næstu dögum. 

Dregið hefur úr krafti eldgossins að mati sérfræðinga og sést það vel á vefmyndavélum. Hraunflæði upp úr gossprungunum sem opnuðust í gær hefur minnkað. Ekkert hraunstreymi er lengur úr syðri sprunginni.

Frétt af mbl.is

Ekkert hraunstreymi lengur úr syðri sprungunni

Gossprungur geta opnast án fyrirvara

Skjálftavirkni hefur minnkað og samkvæmt GPS mælingum dregur úr hreyfingum á svæðinu. Áfram mælast þó hreyfingar syðst í kvikuganginum undir Grindavík.

Í tilkynningunni segir að ekki sé hægt að útiloka að nýjar gossprungur opnist án fyrirvara og því séu gosstöðvarnar mikið hættusvæði. 

Engin merki sáust á mælitækjum þegar sprungan við bæjarmörk Grindavíkur opnaðist í gær. 

Veðurstofan hefur uppfært hættumatskort. Kortið er óbreytt frá því síðast og gildir til miðvikudagsins 17. janúar, kl. 17 að öllu óbreyttu.

Myndskeiðið hér að ofan tók Hörður Kristleifsson.

Kort/Veðurstofa Íslands

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt