Fjárbændur í Grindavík vinna nú hörðum höndum að því að flytja fé sitt frá bænum í ljósi aðstæðna.

Frétt af mbl.is

Sauð næstum upp úr við sauðabjörgun

Blaðamaður mbl.is og ljósmyndari hafa verið á ferðinni á Reykjanesskaganum frá því snemma í morgun. Þeir rákust á nokkra bíla með kerrur í eftirdragi sem voru að koma frá Höfnum og voru að bíða eftir grænu ljósi frá björgunarsveitarmönnum til að komast í gegnum við lokunarpóst á svæðinu og sækja fé sitt.

Frétt af mbl.is

„Sérsveitarmenn hafa sín fyrirmæli“

Viðar Guðmundsson, við stýrið, segist ánægður að geta sótt kindur sínar. mbl.is/Kristinn Magnússon

„Við erum að ná í 30 kindur í fjárhúsi við Sjávarbraut og það er ánægjulegt að geta sótt þær. Það er búið að leggja mikið á sig til að ná í þær og fá til þess leyfi. Það gekk ekkert of vel að fá þetta leyfi en það kom á endanum,“ segir Viðar Guðmundsson við mbl.is.

Úlfar Lúðvíksson, lögreglustjóri á Suðurnesjum, sagði við mbl.is í morgun að á annað hundrað fjár séu í Grindavík og stefnt er á að flytja úr bænum í dag þar sem fyllsta öryggis verði gætt.

Björgunarsveitarmaður ræðir við ökumann sem er klár með kerru sína fyrir þær kindur sem hann er að sækja í Grindavík. mbl.is/Kristinn Magnússon

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt