Nýr sigdalur myndast í Grindavík
Setja bókamerki
Nýr sigdalur hefur myndast austan við sigdalinn sem myndaðist 10. nóvember í Grindavík. Sigdalurinn er um 800 til 1.000 metra breiður.
Þetta kemur fram í tilkynningu frá Veðurstofu Íslands.
Sigdalurinn kom í ljós út frá gögnum sem safnað var og unnin voru á vegum Náttúrufræðistofnunar Íslands og Landmælinga Íslands.
Dalurinn enn að víkka
Mesta sig í dalnum er um 30 sentimetrar og er svæðið enn að síga og dalurinn að víkka.
Til samanburðar þá var sigdalurinn sem myndaðist 10. nóvember í gegnum Grindavík um 2 km breiður. Sigið innan hans var mest um 1,3 metrar.
Innan þessa nýja sigdals var áður búið að kortleggja sprungur sem höfðu myndast og voru sýnilegar á yfirborði. Þær sprungur hafa stækkað og nýjar myndast.
Hætta í tengslum við sprungur og að jarðvegur hrynji ofan í þær hefur því aukist í austurhluta Grindavíkur frá því sem áður var.
„Má segja að þetta gos hafi þjófstartað“
Börn hafi engan rétt á leikskólakennslu
„Erum í miðri hrinu“: Styttist í Eldvörp
Úlfar: Heppileg tímasetning á gosinu
Myndir: Grindavíkurvegur aftur undir hraun
/frimg/1/53/8/1530844.jpg)
Myndir: Náttúrulegur þröskuldur að taka við