„Búið að vera brjálað að gera“

Mikið hefur verið um árekstra í morgun á höfuðborgarsvæðinu. Þetta seg­ir Kristján Kristjáns­son, fram­kvæmda­stjóri Aðstoðar og öryggis sem rekur arekstur.is. Töluverð hálka og snjókoma hefur verið á í nótt og í morgun. 

Frétt af mbl.is

Örfáir árekstrar í morgun

Kristján segist ekki muna eftir öðrum eins degi. „Eins og maður segir á íslensku, það er bara búið að vera brjálað að gera.“

Mikil umferðarteppa í Hafnarfirði. mbl.is/Kristján

Þau hjá arekstri.is hafa sinnt yfir þriðja tug árekstra frá því í morgun. Öll óhöppin hafa verið hálkutengd segir hann en mikil hálka leynist undir snjónum. 

Þá hafa yfir tíu bílar skemmst það mikið að þurft hefur að kalla til dráttarbifreiðar bætir Kristján við. Hann býst við áframhaldandi útköllum og hringdi strax í morgun alla starfsmenn sína út til vinnu.  

Veður­vef­ur mbl.is

Árekstur.is að störfum í morgun. Kristján Kristjáns­son

• Blogga um frétt