Um 30 viðskiptavinir Íslandsbanka lentu í því í morgun að kannast ekki við færslur á greiðslukortum sínum. 

Svikavakt Íslandsbanka hafði samband við korthafana og frysti greiðslukortin þeirra, að því er kemur fram í svari bankans við fyrirspurn mbl.is.

Hafa endurkröfurétt

„Íslandsbanka barst ábending í morgun frá korthöfum sem könnuðust ekki við færslur á greiðslukortum sínum, í framhaldi hafði svikavakt Íslandsbanka samband við hlutaðeigandi korthafa, frysti greiðslukort og bað korthafa að taka afstöðu með eða á móti færslunni,” segir í svarinu.

„Kannist viðskiptavinur ekki við færsluna þá hefur viðskiptavinur endurkröfurétt og getur fengið færslunni hnekkt hafi hann ekki samþykkt hana. Þetta voru um 30 tilvik,” segir jafnframt í svarinu.

Bankinn kveðst ekki geta upplýst um hversu háar upphæðirnar voru en samkvæmt heimildum mbl.is voru þær umtalsverðar og í einhverjum tilfellum var um fleiri en eina færslu að ræða hjá sama viðskiptavini.

Tengdar fréttir

Netsvik

Erlend netárás gerð á Bland.is

• Falskir rafmyntasalar herja á landann
• Best að skella á og hringja strax í bankann
• Fattaði fljótlega að um svindl væri að ræða
• Gætu séð allt sem er í tölvunni

» Fleiri tengdar fréttir

• Blogga um frétt