Rafmagn komið aftur í Grindavík
Setja bókamerki
Rafmagn er komið aftur á í Grindavík en það fór af bænum klukkan 7:15 í morgun vegna bilunar í stofnstreng sem liggur undir hrauni í kjölfar eldgossins á sunnudaginn.
Þetta kemur fram í tilkynningu frá HS Veitum en þar segir ennfremur:
„Undirbúningur hófst strax við að koma á rafmagni með varaaflsvél frá Landsneti og á sama tíma hófst bilanagreining á stofnstrengjunum frá Svartsengi til Grindavíkur. Um er að ræða tvo strengi sem liggja samsíða og við mælingar kom í ljós að hinn strengurinn reyndist í lagi og tókst með honum að koma rafmagni á bæinn kl. 11:45.“
Einnig segir í tilkynningunni: „Óljóst er hversu lengi strengurinn muni virka undir heitu hrauninu og verður því áfram unnið að því að leggja loftlínu yfir hraunið sem varaleið. Ef strengurinn bilar áður en loftlínan verður tilbúin munu varaaflsvélar frá Landsneti sjá bænum fyrir rafmagni.“
Máttu ekki auglýsa „mesta úrvalið“ og „besta verðið“
Gular viðvaranir í dag og á morgun
Tilfellum RS-veiru fjölgar verulega
Fundaði með starfsfólki í fjóra tíma í gær
Leiðindaveður yfir jólahátíðina
Nokkur útköll hjá Landsbjörg
„Átti von á fleiri útköllum“