Vonar að rafmagn komi á upp úr hádegi
Setja bókamerki
Páll Erland, forstjóri HS Veitna, vonast til þess að hægt verði að koma rafmagni á Grindavík upp úr hádegi en rafmagnslaust hefur verið í öllum bænum frá því á áttunda tímanum í morgun.
Stofnstrengurinn frá Svartsengi til Grindavíkur fór að hluta til undir hraun í eldgosinu sem hófst á sunnudaginn en hann reyndist nothæfur eftir prófanir sem gerðar voru á honum.
„Við vorum mjög ánægðir að geta gripið til hans eftir eldgosið og komið rafmagni fljótt á bæinn. Það var vitað að á einhverjum tímapunkti myndi hann gefa sig í hitanum undir hrauninu sem hefur nú raungerst og þar með fór rafmagnið af bænum,“ segir Páll við mbl.is.
Tvær varaaflsvélar og unnið að gerð loftlínu
Vinnuflokkar frá HS Veitum eru komnir til Grindavíkur til að taka á móti varaaflsvél frá Landsneti og í framhaldi verður hún tengd og að sögn Páls er von á annarri varaaflsvél í dag. Þar með ætti að vera hægt að koma rafmagni á bæinn.
Páll segir að vinna sé einnig hafin við gerð loftlínu yfir hraunið til að hafa sem varalega tengingu.
Þetta eru ráðherrar ríkisstjórnarinnar
/frimg/1/53/78/1537870.jpg)
Í kaffi með Vigdísi
Segir að verið sé að svindla á Bandaríkjunum
„Aðstæður í stjórnmálum geta breyst á einni nóttu“
Beint: Ný ríkisstjórn tekin við völdum
Lyklaskipti í ráðuneytunum
Skattamál verði líklega „þeirra mesta klemma“
Fyrsti blaðamannafundurinn í heild sinni