Boltinn hjá Samtökum atvinnulífsins
Setja bókamerki
„Núna er boltinn hjá Samtökum atvinnulífsins,“ segir Vilhjálmur Birgisson, formaður Starfsgreinasambandsins, við mbl.is. Samninganefnd breiðfylkingar stærstu stéttafélaga og landssambanda fundaði með Samtökum atvinnulífsins (SA) í dag.
Eins og mbl.is greindi frá fyrr í dag hófst fundur SA og breiðfylkingarinnar klukkan 13.00 en honum er nú lokið. Vilhjálmur, sem er einn þriggja verkalýðsleiðtoga í broddi breiðfylkingarinnar, segir í samtali við mbl.is að samninganefndin hafi kynnt nýja nálgun á fundinum.
„Töluðum um nýja nálgun“
„Við fórum inn í stofuna og töluðum þar um nýja nálgun. Núna er boltinn hjá þeim,“ segir Vilhjálmur, sem getur aftur á móti ekki tjáð sig frekar um þessa svokölluðu nýju nálgun félagsins.
Hann segir erfitt að segja til um hvort viðræður séu á betri stað nú en þær voru fyrir fundinn.
Breiðfylkingin samanstendur af 93% félaga í Alþýðusambandinu og um 73% af vinnandi fólki á Íslandi, að sögn Vilhjálms. Hafi hún unnið ásamt SA að því að ná ákveðinni þjóðarsátt, sem séu sameiginleg markmið vinnumarkaðarins um að ná niður verðbólgu og stýrivöxtum sömuleiðis.
Máttu ekki auglýsa „mesta úrvalið“ og „besta verðið“
„Átti von á fleiri útköllum“
Lítil snjóflóð fallið og vegum lokað á Vestfjörðum
„Mikilvægt að hvíla viðbragðið“
Fyrsti ríkisstjórnarfundurinn hafinn
Íslendingar vanir að klæða sig vel
Fjallvegir á Vestfjörðum og víða um land á óvissustigi