Einn handtekinn vegna hnífsstungu

Lögreglunni á höfuðborgarsvæðinu barst tilkynning um hnífstungu í miðbænum. 

Í dagbók lögreglu segir að þolandi hafi verið fluttur á bráðamóttöku til skoðunar en ekki sé vitað um alvarleika áverkanna. 

Einn var handtekinn á vettvangi grunaður um verknaðinn og var hann vistaður í fangaklefa í þágu rannsóknar málsins. 

Skemmdi lögreglubifreið

Óskað var eftir aðstoð lögreglu í samkvæmi unglinga í Árbænum. Einn einstaklingur var handtekinn á vettvangi en hann skemmdi lögreglubifreið.

Málið er unnið með barnavernd og forráðamönnum sökum aldurs hins handtekna.

Þá barst tilkynning um flugeldaslys í Garðabæ.

Einn einstaklingur var með áverka í andliti eftir slysið en ekki er vitað um alvarleika áverkanna. 

• Blogga um frétt