„Vinnan gengur frekar hægt“
Setja bókamerki
„Ástæðan fyrir því að við höfum tekið þá ákvörðun að hleypa hvorki íbúum né fyrirtækjum inn í Grindavík um helgina er með hliðsjón af veðri og töfum á mati á vegum og viðgerðum.“
Þetta segir Úlfar Lúðvíksson, lögreglustjóri á Suðurnesjum, í samtali við mbl.is, en vonir stóðu til að geta hleypt Grindvíkingum inn í bæinn um helgina til að huga að eignum sínum, athuga með skemmdir og sækja nauðsynjar.
„Vinnan í bænum gengur frekar hægt en þetta mjakast allt áfram. Það er búið að vera leiðindaveður í dag sem hefur ekki hjálpað til. Við munum meta stöðuna um helgina varðandi aðgengi íbúa og fyrirtækja en það alveg ljós að þessir aðilar komast ekki inn í bæinn um helgina,“ segir Úlfar.
Jarðvegurinn afar ótryggur
Heildarhættumat fyrir Grindavík var í gær fært niður um eitt stig en hættumat varðandi sprunguopnun er ennþá í hæsta flokki.
„Jarðvegurinn er afar ótryggur og Grindavík er ennþá hættulegur staður til að vera í,“ segir Úlfar.
Úlfar nefnir að pípulagningamenn hafi verið að störfum í Grindavík síðustu daga og sú vinna hafi gengið vel en rafmagn og hiti er kominn á flest hús í bænum. Hann segist ekki hafa vitneskju um að einhver óhöpp hafi átti sér stað vegna þeirrar vinnu sem hefur verið í gangi í bænum.
„Vinnan heldur áfram um helgina að skipuleggja framkvæmdina sem framundan er þannig að íbúar fái jöfn tækifæri til að huga að eigum sínum.“
Var að slitna frá bryggju sökum hvassviðris
„Mikilvægt að hvíla viðbragðið“
Óveður heldur Holtavörðuheiði lokaðri
Björgunarsveitir kallaðar út í nótt
Í vinnunni á aðfangadagskvöldi í 25 ár
KEF Spa: „Eitthvað sem þú hefur ekki séð áður“