Bjarni Benediktsson utanríkisráðherra hefur gefið út yfirlýsingu í kjölfar þeirra fregna að starfsmenn UNRWA-stofnunarinnar innan Sameinuðu þjóðanna liggja undir grun um aðild að árás Hamas á Ísrael þann 7. október.

Dilja Mist Ein­ars­dótt­ir, þingmaður Sjálf­stæðis­flokks­ins og formaður ut­an­rík­is­mála­nefnd­ar þings­ins, hefur þegar rætt við mbl.is um málið. Kveðst hún gera ráð fyr­ir viðbrögðum frá Íslandi og að kallað verði eft­ir nán­ari upp­lýs­ing­um.

Umræður og ásak­an­ir í garð stofn­un­ar­inn­ar eigi sér lengri sögu og vís­ar Diljá til þess að þetta sé ekki í fyrsta sinn sem grun­semd­ir vakna um tengsl henn­ar við Ham­as.

Frétt af mbl.is

Gerir ráð fyrir viðbrögðum: „Sláandi fréttir, ef satt reynist“

Alvarlegar ásakanir

„Við köllum eftir ítarlegri rannsókn á þeim alvarlegu ásökunum í garð nokkurra starfsmanna UNRWA,“ segir í tísti utanríkisráðuneytisins og tekið fram að um sé að ræða yfirlýsingu Bjarna.

Kveðst hann kunna vel að meta skjót viðbrögð Philippe Lazzarini, yfirmanns stofnunarinnar, og tilkynningu hans um að rannsókn yrði hraðað.

„Mikilvæg vinna UNRWA þarf að halda áfram á þessum erfiðu tímum,“ segir í yfirlýsingu Bjarna.

Tengdar fréttir

Ísrael/Palestína

Frömdu hundruð stríðsglæpa í árásinni

• 90 látnir og 300 særðir eftir árás Ísraelshers
• Segja 32 hafa verið drepna í árásum Ísraela
• Hneyksluð á brottflutningi úr Gasaborg
• Ísraelsher réðst á annan skóla

» Fleiri tengdar fréttir

• Blogga um frétt