Fundur enn ekki boðaður
Setja bókamerki
Ekki hefur verið tekin ákvörðun um hvenær sest verður næst að samningaborðinu í kjaraviðræðum breiðfylkingar stærstu landssambanda og stéttarfélaga á almennum vinnumarkaði og Samtaka atvinnulífsins. Breiðfylkingin vísaði kjaradeilunni til ríkissáttasemjara síðasta miðvikudag.
Morgunblaðið náði tali af Ástráði Haraldssyni ríkissáttasemjara í gær. Segist Ástráður ekki hafa tekið ákvörðun um hvenær hann muni boða til fundar en ljóst sé að það verði innan skamms.
„Ég hef samráð við málsaðila og fylgist með. Væntanlega verður boðað til fundar á næstu dögum,“ segir Ástráður.
Sigríður Margrét Oddsdóttir, framkvæmdastjóri Samtaka atvinnulífsins, kveðst nokkuð vongóð um að ekki sé of langt á milli hugmynda SA og breiðfylkingarinnar. En hún bendir á að fjölmörg atriði komi inn á borð í slíkum samningaviðræðum og því sé að mörgu að huga.
Vilhjálmur Birgisson, formaður Starfsgreinasambandsins, segir markmið breiðfylkingarinnar vera skýrt: „Við viljum sjá ráðstöfunartekjur okkar félagsmanna aukast með fleiru en beinum launahækkunum.“
Nánar má lesa um málið í Morgunblaðinu í dag.
„Hví er kerfið ekki aðlagað að börnunum okkar?“
Fá að koma með báða makana á árshátíðir
Víðir verði oddviti Samfylkingar í Suðurkjördæmi
Var ekki kunnugt um bótagreiðslur
Sýknudómur í Lindarhvolsmálinu stendur
Forsetaframbjóðendur flykkjast í framboð
Þingmennirnir vilja halda sæti sínu
Halla Hrund leiðir Framsókn: Sigurður Ingi í 2. sæti