Hrina jarðskjálfta, sem hófst skammt suðaustur af Heiðmörk á föstudag og jókst að umfangi um helgina, kann að gefa til kynna kvikusöfnun á töluverðu dýpi.

Þetta segir Þorvaldur Þórðarson, prófessor í eldfjallafræði við Háskóla Íslands, í samtali við Morgunblaðið.

Umfjöllun mbl.is um hrinuna og upptakasvæði hennar vakti mikla athygli um helgina. Skjálftarnir eiga enda upptök sín undir Húsfellsbruna, því hrauni sem næst rann Reykjavík á síðasta gosskeiði Reykjanesskagans.

Frétt af mbl.is

Brennisteinsfjöll byrsta sig

Kerfin farin að undirbúa sig

„Þetta gætu hugsanlega verið skjálftar vegna uppbyggingar spennu neðst í jarðskorpunni,“ segir Þorvaldur.

„En þeir gætu líka gefið til kynna einhverja samansöfnun kviku á mörkum deigu og stökku skorpunnar, þarna undir.“

Húsfellsbruni, eins og skjálftarnir sem nú verða, tilheyrir Brennisteinsfjallakerfinu, einu nokkurra eldstöðvakerfa Reykjanesskagans. Þorvaldur kveðst efast um að skjálftarnir leiði til einhverra umbrota á næstunni.

„En ég held að þetta sé í raun að segja okkur að þessi kerfi eru komin í gang. Og þau eru farin að undirbúa sig.“

Ítarlegri umfjöllun er að finna í Morgunblaðinu í dag.

Tengdar fréttir

Eldvirkni á Reykjanesskaga

Farið af hættustigi á óvissustig

• Sjöunda eldgosinu lokið
• Síðustu myndirnar af eldgosinu
• Kanna með dróna hvort gosinu sé lokið
• Bláa lónið opið á ný: Gestir ferjaðir frá Grindavík

» Fleiri tengdar fréttir