Einn fluttur á slysadeild

Einn var fluttur á sjúkrahús í kvöld eftir alvarlegt umferðarslys á Reykjanesbraut, í grennd við álverið í Straumsvík, þar sem fólksbifreið og vöruflutningabíll lentu saman.

Þetta staðfestir Jón Kristinn aðstoðarvarðstjóri hjá slökkviliðinu á höfuðborgarsvæðinu í samtali við mbl.is. 

Var það ökumaður fólksbifreiðarinnar sem var fluttur á slysadeild, en Jón Kristinn segir viðbragðsaðila hafa þurft að beita klippum til að ná bílstjóranum út úr bílnum.

Kveðst hann ekki vita hvort um heimamann eða ferðamann hafi verið að ræða en aðspurður segir hann slysið alvarlegt.

Ökumaður vöruflutningabílsins slapp frá slysinu án alvarlegra áverka. 

Frétt af mbl.is

Alvarlegt umferðarslys á Reykjanesbraut

Uppfært kl.22.01:

Opnað hefur verið fyrir umferð um Reykjanesbraut að nýju.

• Blogga um frétt