Samningar yfir 100 þúsund að losna

Fleiri kjarasamningar renna sitt skeið á morgun, m.a. samningur Samtaka starfsmanna fjármálafyrirtækja (SSF) við Samtök atvinnulífsins en félagsmenn SSF eru rúmlega 3.500 talsins.

Frétt af mbl.is

Kjaraviðræður fagfélaga og SA „mjakast áfram“

Viðræður á byrjunarreit

Samningar aðildarfélaga BSRB vegna starfsfólks í opinberum hlutafélögum eru einnig lausir í lok janúar. Þar er m.a. um að ræða samninga Sameykis við SA vegna starfsfólks hjá Isavia, í Fríhöfninni, hjá Orkuveitu Reykjavíkur og Rarik, samning Póstmannafélags Íslands við Íslandspóst, samning Félags flugmálastarfsmanna ríkisins við Isavia og samninga Kjalar stéttarfélags vegna starfsmanna hjá Norðurorku og Orkubúi Vestfjarða. Ná þessir samningar BSRB-félaganna til á annað þúsund félagsmanna.

Kröfugerðir þessara félaga eru frágengnar en viðræður eru vart byrjaðar vegna óvissu um framvinduna í yfirstandandi kjaradeilu breiðfylkingar landssambanda og stærstu félaga í ASÍ og SA.

Frétt af mbl.is

Boðar til fundar í Karphúsinu

Deilu breiðfylkingarinnar við SA var vísað til ríkissáttasemjara í seinustu viku. Fagfélögin svonefndu innan ASÍ, Rafiðnaðarsambandið, VM og Matvís, vísuðu viðræðum þeirra við SA til sáttasemjara fyrr í þessum mánuði. Fundað hefur verið nokkuð reglulega í þeirri deilu að undanförnu, seinast í gær. Ástráður Haraldsson ríkissáttasemjari staðfesti í samtali við blaðamann Morgunblaðsins að breiðfylking stéttarfélaganna og Samtök atvinnulífsins hefðu verið boðuð á fund hans í Karphúsinu og að sest yrði að samningaborðinu á miðvikudag klukkan tvö.

Nán­ar má lesa um málið í Morg­un­blaðinu í dag.