Áfallateymi í Álfhólsskóla virkjað
Setja bókamerki
Áfallateymi Álfhólsskóla í Kópavogi hefur verið virkjað í kjölfar andláts sex ára drengs sem var nemandi við skólann.
Greint var frá því í gær að mikill viðbúnaður lögreglu væri fyrir utan heimahús á Nýbýlavegi í Kópavogi. Síðar kom í ljós að sex ára drengur hafði fundist látinn þegar lögreglu bar að garði. Þá hefur kona um fimmtugt verið úrskurðuð í gæsluvarðhald vegna málsins.
Sérstaklega hugað að nemendum 1. bekkjar
Drengurinn var nemandi í 1. bekk við skólann. Voru foreldrar nemenda 1. bekkjar því upplýstir sérstaklega um málið auk þess sem áfallateymi skólans vann sérstaklega með nemendum 1. bekkjar í morgun.
Áfallateymið hefur jafnframt verið til staðar fyrir aðra nemendur skólans og starfsmenn í dag.
Í bréfi sem skólastjóri Álfhólsskóla sendi á foreldra er þeim bent á að upplýsingar um hvernig ræða megi sorg og sorgarviðbrögð við börn séu að finna á vefsíðu Sorgarmiðstöðvarinnar.
/frimg/1/42/12/1421200.jpg)
/frimg/1/53/8/1530844.jpg)
Myndir: Náttúrulegur þröskuldur að taka við
Þarf að koma til móts við ólíkar þarfir lækna
Hótar Bretum og Bandaríkjamönnum
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Vika í kosningar: Þetta segja kannanir
Dómur þyngdur um þrjú ár