„Mér finnst vera teikn á lofti um að eitthvað sé að fara af stað þarna. Þessi hrina er þessleg.“

Þetta segir Þorvaldur Þórðarson, prófessor í eldfjallafræði við Háskóla Íslands, um þá jarðskjálftahrinu sem vart hefur orðið á Reykjaneshrygg djúpt suður af Íslandi.

Stærsti skjálftinn mældist 5,4 stærð laust fyrir klukkan 14 í gær. Fleiri hrinur hafa mælst á liðnum mánuðum, eins og mbl.is hefur greint frá.

Frétt af mbl.is

Hrina stórra skjálfta á Reykjaneshrygg

Skjálftahrinan er á Reykjaneshrygg. Kort/USGS

Gæti tengst virkni á Reykjanesskaga

Þorvaldur telur að skjálftahrinan á Reykjaneshryggnum geti alveg tengst þeim atburðum sem átt hafa sér stað á Reykjanesskaganum að undanförnu.

Spurður hvað hann lesi út úr þessari hrinu segir Þorvaldur:

„Þessir skjálftar eru á 6-7 kílómetra dýpi, sem þýðir að kvika sé ekki að koma beint upp strax, en hún gæti verið að safnast fyrir þarna undir. Það gæti því alveg farið að gjósa þarna.“

Frétt af mbl.is

Hrinan mögulega til marks um sambærilegan atburð

Tengdar fréttir

Eldvirkni á Reykjanesskaga

Tilbúin að bregðast við skelli slæm sviðsmynd á

• Hraunflæði ógnar innviðum við Svartsengi
• Sér ekki fyrir endann á gosinu: „Nei, nei“
• „Gengið vel“ að verja rafmagnsmastrið
• Bláa lónið framlengir lokun fram á föstudag

» Fleiri tengdar fréttir

• Blogga um frétt