Óska eftir mannskap: „Vantar fleiri hendur“
Setja bókamerki
Almannavarnir hafa óskað eftir mannskap til að hjálpa til við flutninga í Grindavík og biðla til fyrirtækja sem geta mögulega sent mannskap í bæinn.
Greitt er fyrir vinnuna sem unnin væri að mestu á dagvinnutíma að því er fram kemur í tilkynningu frá almannavörnum og er birt á grindavik.is.
Nokkrir orðið við beiðninni
Að sögn Hjördísar Guðmundsdóttur, samskiptastjóra almannavarna, þá hafa nokkrir aðilar orðið við beiðni almannavarna og vonir standa til að fleiri gefi sig fram í dag.
„Það vantar fleiri hendur og vonandi fáum við meiri mannskap til að hjálpa til flutningana,“ segir Hjördís við mbl.is.
Verðmætabjörgun heldur áfram í Grindavík í dag en opnað var fyrir aðgang fólks og fyrirtækja að bænum á fyrir fram ákveðnum stöðum klukkan 9 í morgun og verður svæðið opið til klukkan 15 í dag.
„Það hefur gengið vel síðustu tvo daga og fólk komst inn í bæinn án þess að þurfa bíða í langan tíma í röð,“ segir Hjördís.
„Það er sárt að svona fór“
Fór 1.628 km í þágu sjálfsvígsforvarna
Óeðlilegt að sama gjald verði tekið óháð þyngd
Varð að gefa dálítið af sjálfum mér
Ekki eins og jólasveinn á hreindýrssleða
Skrifaði fyrstu fréttina af hvarfi Geirfinns
„Mér var haldið sofandi í níu sólarhringa“