Fékk sektina niðurfellda en granninn bíður enn

Ari Jón Arason, íbúi á Nesvegi, segist hafa fengið tilkynningu frá Bílastæðasjóði um að stöðumælasekt sem hann fékk hafi verið felld niður. Er það í kjölfar kæru hans á sektarboðinu. Hann segist þó fullviss um að umfjöllun í fjölmiðlum frá því í síðustu viku hafi haft áhrif. 

Ari er einn íbúa sem lagt hefur við innkeyrslu sína án þess að keyra alveg inn í hana árum saman en borgin hóf nýlega að sekta eigendur fyrir að leggja með þessum hætti. 

Frétt af mbl.is

Óttast að keyra í veg fyrir barn á hlaupahjóli

Öryggið ráði för við lagningu 

Á Nes­vegi er pláss fyr­ir bíla til að leggja sitt hvor­um meg­in göt­unn­ar í akst­urs­stefnu. Eins hafa þeir íbú­ar sem eiga inn­keyrslu sunn­an meg­in við göt­una lagt bíl sín­um þvers­um nærri göt­unni í stað þess að keyra alla leið inn í inn­keyrslu, yfir gang­stétt sem þar er.

Bíll­inn er því ekki úti á götu og ekki inni á gang­stétt. Ari segir að íbúar hafi haft þennan háttinn á öryggisins vegna því hætt sé við því að keyra til dæmis á krakka á hlaupahjóli þegar bakkað er út úr innkeyrslu. Þetta hafi verið viðtekin venja í þau átta ár sem hann hafi búið við götuna. 

Súrsætur sigur 

„Ég kærði úrskurðinn á föstudag og fékk niðurfellingu sektarinnar strax. Granninn kærði hins vegar fyrir löngu síðan og hann er ekki búinn að fá niðurfellingu. Það mætti ætla að umfjöllun í fjölmiðlum hjálpi til,“ segir Ari Jón í gamansömum tón. 

Hann segir þó sigurinn súrsætan. Sektin var felld niður á þeirri forsendu að hann hafi í raun ekki lagt á gangstétt eins og sagði í sektinni og áfram verður íbúum meinað að leggja með þeim hætti sem þeir hafa gert.

• Blogga um frétt