Í forgangi að loka skörðum í varnargörðum
Setja bókamerki
Það er forgangsverkefni að loka þeim skörðum sem eru á varnargörðunum við Svartsengi vegna eldgossins sem hófst í morgun.
Þetta segir Birna Lárusdóttir, upplýsingafulltrúi HS Orku, og bætir við að verkefnið sé á könnu almannavarna.
„Menn eru bara að vinna í kapphlaupi við tímann.”
Vinna við Njarðvíkuræðina
HS Orka er einnig að vinna við Njarðvíkuræðina, sem er heitavatnslögn sem nær frá Svartsengi til Reykjanesbæjar. Hún hefur verið ofanjarðar en vinna hefur staðið yfir síðustu vikur við að setja hana í jörðu á rúmlega kílómetralöngum kafla.
„Þeirri vinnu er ekki lokið. Við erum að leggja allt kapp á það að verja það framkvæmdasvæði og lögnina um leið með hliðjón af þessu hraunflæði sem okkur sýnist að stefni í átt að æðinni og görðunum,” segir Birna.
Spurð segir hún að engir starfsmenn HS Orku hafi verið að störfum í Svartsengi þegar eldgosið hófst en að starfsfólk fyrirtækisins muni vinna við Njarðvíkuræðina í dag. Sú framkvæmd er einnig á forræði almannavarna.
Birna kveðst ekki geta sagt til um hvort Njarðvíkuræðin sem er ofanjarðar er í hættu en ítrekar að forgangsverkefni sé að verja hana.
Fundur hjá neyðarstjórn HS Veitna
Fundur hófst hjá neyðarstjórn HS Veitna í morgun. Að sögn Sigrúnar Ingu Ævarsdóttur, upplýsingafulltrúa fyrirtæksins, er verið að fara yfir hlutina, hvar eldgosið er að koma upp og hvort það gæti haft áhrif á innviði fyrirtækisins.
„Þetta er sambærilegt og önnur gos. Í hvert skipti sem það byrjar að gjósa höfum við áhyggjur af mögulegum áhrifum af því,” segir Sigrún Inga.
Þriðja tilboðið hugsanlega á leiðinni
Best að skella á og hringja strax í bankann
Við höfum „runnið til baka niður brekkuna“
Frömdu hundruð stríðsglæpa í árásinni
Tjón eftir úrkomumet: „Landslagið er gjörbreytt“
/frimg/4/90/490685.jpg)
Blóði drifin saga banatilræða
Sveitalubbinn með Hvíta húsið í sigtinu