Sprungan 3 km löng: 30 mínútna fyrirvari
Gosið, séð úr þyrlu Gæslunnar nú fyrir skömmu síðan.
Ljósmynd/Björn Oddsson
Setja bókamerki
Út frá fyrstu fréttum úr eftirlitsflugi Landhelgisgæslunnar er gosið á sömu slóðum og gaus 18. desember. Sprungan er um 3 km löng, liggur frá Sundhnúk í suðri til austurenda Stóra-Skógfells. Hraun rennur mestmegnis til vesturs á þessu stigi. Hraunflæði virðist aðeins minna en í byrjun gossins 18. desember.
Þá ná gosstrókarnir um 50-80 metra hæð og gosmökkurinn stígur upp í um 3 km hæð.
Þetta kemur fram í tilkynningu frá Veðurstofu Íslands.
Klukkan 5:30 í morgun hófst áköf smáskjálftavirkni norðaustan við Sýlingarfell. Um 30 mínútum síðar hófst eldgos á sömu slóðum.
Fyrstu mínúturnar lengdist sprungan bæði til norðurs og suðurs.
Horft yfir sprunguna.
Ljósmynd/Landhelgisgæslan
Foreldrar skilja ekki einkunnir barna sinna
Engar reglur til að takast á við stöðuna
Brotin eftir greiningarferlið
Joe Biden: Slakur námsmaður sem varð forseti
Kæru vættir, færið okkur logn!
Leitaði föður síns í kolröngu landi