Systir mín fékk flugeldasýningu í afmælisgjöf
Setja bókamerki
„Systir mín á afmæli í dag. Mér fannst mjög líklegt að það myndi gjósa í dag. Hún fékk smá flugeldasýningu,” segir Þorvaldur Þórðarson, prófessor í eldfjallafræði, um eldgosið sem hófst snemma í morgun.
Þorvaldur spáði þessu einmitt í samtali við mbl.is á þriðjudaginn.
Hann segir gosið vera mjög svipað því sem hófst 18. desember en framleiðnin virðist þó vera eitthvað minni núna.
„Mér sýnist þetta eiginlega vera eftirlíking af því sem gerðist 18. desember. Þetta er eiginlega á besta stað, þannig séð.”
Grindavík ekki í beinni hættu
Að mati Þorvaldar er Grindavík ekki í beinni hættu, nema gosið standi lengur yfir en fyrri gos. Hann telur þó að gosið standi svipað lengi yfir og síðustu gos, hugsanlega í þrjá daga. Því yrði þá lokið um næstu helgi.
Gæti reynt á norðurhluta varnargarða
Þorvaldur telur líklegra að það reyni á varnargarðana við Svartsengi heldur en þá sem eru við Grindavík.
„Það þarf töluvert hraunflæði til þess að það fari alla leið niður í Grindavík og þetta er ekki eins aflmikið og 18. desember,” greinir hann frá og segir flæðihraðann frá gossprungunni minni.
Hann tekur þó fram að það gæti farið að reyna á varnargarðana við Svartsengi, líkt og Ármann Höskuldsson sagði í samtali við blaðamann fyrr í morgun.
„Sérstaklega norðanmegin. Það er hugsanlegt. Þá kemur það bara í ljós hversu gagnlegir þeir verða.”
Býst ekki við mikilli mengun
Þorvaldur reiknar ekki með því að almenningur finni fyrir mikilli brennisteinsmengun vegna eldgossins sökum vindáttarinnar.
„Ef það er norðlægt átt er voðalega lítil hætta á mengun í byggðum bólum.”
Þórður mun ekki taka þingsæti
Allt frá nokkrum tímum upp í viku í nýrri miðstöð
„Það er sárt að svona fór“
Hversdagslífið getur verið yndislegt
Viðreisn í mikilli sókn
Síminn stoppar ekki hjá Árekstur.is
/frimg/1/52/96/1529614.jpg)
Hálf öld liðin frá hvarfi Geirfinns