Veðurstofa Íslands vinnur nú að jarðskjálftahættumati fyrir höfuðborgarsvæðið í samstarfi við almannavarnir og fulltrúa sveitarfélaganna. Áætlað er að það verði tilbúið í vor.

Þetta kemur fram í grein sem Rósa Guðbjartsdóttir, bæjarstjóri í Hafnarfirði, ritar í Morgunblaðið í dag. Tilefni greinar Rósu er ýmis ummæli jarðvísindamanna að undanförnu um hættuna sem höfuðborgarsvæðinu stafar af jarðhræringum, eldgosum og hraunrennsli.

Rósa Guðbjartsdóttir, bæjarstjóri í Hafnarfirði. Ljósmynd/Hafnafjarðarbær

Rósa segir fyrrnefnda aðila, Veðurstofuna, almannavarnir og sveitarfélögin, vinna að gerð eldgosahættumats fyrir höfuðborgarsvæðið. Gert sé ráð fyrir að þeirri vinnu ljúki í lok næsta árs. „Nú þegar eldgosaváin er komin fram með eldsumbrotunum á Reykjanesi er mikilvægt að vinnu við þetta hættumat verði flýtt,“ segir Rósa. Mikilvægt sé fyrir sveitarfélögin að fá heildarmyndina sem fyrst. 

Lesa má meira um málið í Morgunblaðinu í dag. 

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir