Ljóst er að land seig í Svartsengi þegar gosið hófst í gærmorgun. Nú er það líklega aftur farið að rísa.

Þetta segir jarðeðlisfræðingurinn Benedikt Gunnar Ófeigsson, fagstóri aflögunarmælinga á Veðurstofu Íslands.

Rúmmálið besta vísbendingin

„Við sáum skýr merki um landsig í Svartsengi samfara innskotinu. Hvort land sé farið að rísa aftur er aðeins of snemmt að segja, en mér finnst það mjög líklegt. Fyrri gos hafa ekkert stoppað landrisið. Það bara heldur áfram,“ segir Benedikt við Morgunblaðið. 

Svipaður tími, um þrjár vikur, leið á milli gosanna 18. desember og 14 janúar og á milli síðarnefnda goss og þess sem hófst í gær.

Er hægt að spá öðru gosi eftir þrjár vikur?

„Það liggur við,“ svarar Benedikt. „Sjáum fyrst hver hraðinn á landrisinu er. Besta vísbendingin er líka rúmmálsmatið, sem gefur okkur hugmynd um hvenær rúmmálið er aftur komið í svipaða stöðu.“

Nánari umfjöllun um eldgosið er að finna í Morgunblaðinu í dag.

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir