Rafmagnslaust er í hluta Reykjanesbæjar. Fór rafmagn af Innri-Njarðvík nú um klukkan hálf átta í kvöld. 

Sigrún Inga Ævarsdóttir, samskipta og markaðsstjóri HS Veitna, segir að álag á kerfið skýri rafmagnsleysið. Rafmagn hafi farið víða af í sveitarfélögunum á öllum Reykjanesskaga nú eftir klukkan 19 í kvöld. 

„Fólk virðist aðeins vera að gleyma sér,“ segir Sigrún Inga í samtali við mbl.is. 

HS Veitur biðla til íbúa á svæðinu að slökkva á rafmagnsofnum á meðan eldamennsku stendur til að spara rafmagn. Þannig megi koma í veg fyrir of mikið álag á kerfið. 

Þá er einnig gríðarlega mikilvægt að fólk hlaði ekki rafmagnsbíla heima fyrir. 

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt