Samtökin No Borders hafa boðað til annarra mótmæla fyrir utan lögreglustöðina við Hlemm þar sem mótmælt verður öllum áformum „lögregluríkisins um forvirkar rannsóknir“. 

Í dag kom fjöldi fólks saman og hindruðu meðal annars innkeyrslur að lögreglustöðinni á einum tímapunkti. 

Frétt af mbl.is

Mótmælendur hindruðu innkeyrslur lögreglu

Í tilkynningu frá samtökunum segir að samtökunum ofbjóði framganga lögregluyfirvalda „sem í vaxandi mæli grípa til valdníðslu og sviptingu á réttindum almennings“.

Þá segir að aðgerðir lögreglu hafi orðið æ harkalegri er kemur að mótmælum síðustu vikurnar. Í því samhengi er nefnt atvik er tvö ungmenni voru handtekin við mótmæli á Austurvelli 6. febrúar. 

Frétt af mbl.is

Tvö ungmenni handtekin við mótmælin

Krefjast að 19. grein verði felld úr gildi 

Í tilkynningunni er einnig minnst á vopnaburð lögreglu og notkun á rafbyssum. „Slíkar ráðstafanir, ásamt frumvarpi um forvirkar rannsóknir, vekja alvarlegar áhyggjur af stefnu stjórnvalda í löggæslumálum.“

Frétt af mbl.is

„Ómögulegt að taka skref til baka“

Þess er krafist að 19. grein lögreglulaga verði felld úr gildi en hún fjallar um skyldu til að hlýða fyrirmælum lögreglu. 

„Lögregla hefur ítrekað beitt því valdi sem greinin færir henni til þess að afnema réttinn til mótmæla að eigin geðþótta,“ segir í tilkynningunni. 

Mótmælin fara fram við lögreglustöðina á Hverfisgötu á þriðjudag klukkan 16. 

Tengdar fréttir

Vopnaburður lögreglunnar

„Ómögulegt að taka skref til baka“

• Arndís ræðir vopnaburð lögreglu við ráðherra
• Erfitt að regluvæða ólíkt mat á málum
• Beint: Forsætisráðherra svarar fyrir samráðsleysi
• Ekki í samræmi við góða stjórnsýsluhætti

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Anarkista rökfræði