Veðurstofa Íslands hefur lýst því yfir að eldgosinu sem hófst á milli Sundhnúks og Stóra-Skógfells að morgni fimmtudagsins 8. febrúar sé lokið.

„Engin gosvirkni sást í drónaflugi á vegum sérsveitarinnar seinni partinn í gær og ekki hefur orðið vart við gosóróa á skjálftamælum síðan þá,“ segir í Facebook-færslu Veðurstofunnar.

Jarðskjálftavirkni á umbrotasvæðinu hafi verið minniháttar síðastliðinn sólarhring.

Fram kemur að GPS-mælar hafi sýnt skýr merki landsigs í Svartsengi í kjölfar gossins en enn sé þörf á lengri tímaröð mælinga til að greina óyggjandi merki um hvort landris sé hafið að nýju.

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt