Stór mótmæli fyrir utan lögreglustöðina við Hlemm
Setja bókamerki
Tengdar fréttir
Flóttafólk á Íslandi
„Það var palestínsk fjölskylda handtekin klukkan 7 í morgun og þrjú þeirra eru inni á löggustöðinni,“ segir aðgerðarsinninn Askur Hrafn Hannesson í samtali við mbl.is, en hann var einn margra sem mómæltu fyrir utan lögreglustöðina við Hlemm í dag.
Askur segir að lögreglan „braust inn“ á heimili fjölskyldunnar og hafi síðan tekið Palestínumennina höndum.
Vísa eigi fjölskyldunni á brott til Grikklands, þar sem hún hafi fengið samþykkta umsókn um alþjóðlega vernd. Aðgerðarsinninn tekur aftur á móti fram að fjölskyldan hafi búið á Íslandi í um eitt til tvö ár.
Samstöðuganga slóst með í hóp mótmælenda
Palestínumennirnir sem voru handteknir, að sögn aðgerðarsinnanna, eru maður, kona og fullorðinn sonur þeirra.
Mótmælin voru skipulögð af No Borders samtökunum með afar stuttum fyrirvara en Askur segir að fleiri en hundrað manns séu fyrir utan stöðina.
Mótmælendur sem hygðust ganga samstöðugöngu frá utanríkisráðuneytinu að Austurvelli, ákváðu einnig að slást með í hópinn.
Könnuðust ekki við handtökuna
Gunnar Rúnar Sveinbjörnsson, upplýsingafulltrúi lögreglunnar á höfuðborgarsvæðinu, sagðist ekki kannast við slíka handtöku þegar mbl.is hafði samband.
Helena Rós Sturludóttir, upplýsingafulltrúi ríkislögreglustjóra, sagðist heldur ekki kannast aðgerðina þegar haft var samband.
Þórhildur Ósk Hagalín, upplýsingafulltrúi Útlendingastofnunar, kannaðist einnig ekki við handtökuna en benti á að slíkar aðgerðir væru almennt á borði lögreglu.
Tengdar fréttir
Flóttafólk á Íslandi
Sveitalubbinn með Hvíta húsið í sigtinu
Kourani dæmdur í átta ára fangelsi
Kourani áfrýjar dómnum
Við höfum „runnið til baka niður brekkuna“
Frömdu hundruð stríðsglæpa í árásinni
Gæti tilkynnt varaforsetaefnið á hverri stundu
Lífríki Mývatns er að taka við sér