Framkvæmdir við nýja hjáveitulögn meðfram Njarðvíkuræð munu taka nokkra daga. Enn er ekki hægt að áætla verklok, að sögn upplýsingafulltrúa HS Orku.

„Þetta er nokkurra daga verkefni,“ segir Birna Lárusdóttir, upplýsingafulltrúi HS Orku, í samtali við mbl.is en hjá­v­eitu­lögn meðfram Njarðvíkuræð gaf sig í nótt, með þeim af­leiðing­um að áfram er heita­vatns­laust á Suður­nesj­um.

Al­manna­varn­ir, HS Orka og viðbragðsaðilar undirbúa nýja hjá­v­eitu­lögn fyr­ir heitt vatn yfir nýja hraunið við Njarðvíkuræðina.

Frétt af mbl.is

Leggja nýja hjáveitulögn yfir hraunið

Umfangsmikil almannavarnaaðgerð

Birna tekur fram að unnið verði allan sólarhringinn. Nú sé verið að flytja jarðvegs- og lagnaefni á svæðið og hanna sjálfa lögnina en ekki er hægt að slá því föstu hvenær viðgerðunum verður lokið.

„Þetta er það umfangsmikil almannavarnaaðgerð að það á eftir að tímasetja mjög marga verkþætti,“ segir hún. Þá sé erfitt að segja til um hvenær framkvæmdir við sjálfa lögnina hefjast.

Vegagerð yfir hraunið er hafin.

Mikið kuldaveður er á Suðurnesjum og bæjarstjórar í landshlutanum mættu í dag á fund aðgerðarstjórnar almannavarna til þess að ræða næstu skref.

Frétt af mbl.is

Bæjarstjórar funda: „Grafalvarleg staða“

Tengdar fréttir

Eldvirkni á Reykjanesskaga

Hópur fólks reyndi að komast að eldgosinu

• Nyrstu hrauntungurnar dreifa úr sér
• Hraun kemur úr þremur gígum: Virknin stöðug
• Aldrei runnið vestar: Um 100 metrar á klukkustund
• Myndir: Náttúrulegur þröskuldur að taka við

» Fleiri tengdar fréttir

• Blogga um frétt